何建曦

何建曦讀過基督教女青年會丘佐榮中學，2012年喺香港浸會大學國際學院（文化及通識）畢業。

何建曦喺組合入面做主唱或者高音和唱。主唱歌曲包括《韆鞦萬世》、《密室》、《騷動》、《A Hundred Times》、《Pair J》，其中《韆鞦萬世》收錄喺C AllStar第二張專輯《我們的胡士托》，係佢喺中學時期嘅作品，亦係C AllStar四子第一首參與創作嘅歌，而佢創作嘅音樂類型主要係R&B。

喺大約2016年起，佢開始做食評家（飲食KOL），喺唔同網絡媒體為唔同餐廳、食肆同埋小店寫食評，地點除咗香港，亦包括澳門、台灣、日本等地，亦計劃寫一本介紹飲食嘅書。