蔡宛珊

蔡宛珊，係香港模特兒，2001年已經開始接模特兒工作，曾經同周星馳一齊拍生力啤廣告，亦拍過黎明同許志安嘅MV。 蔡宛珊係中印混血兒，阿爸係華人，阿媽係印度人。佢讀咗香港公開大學語言研究學士（英文），又攞到學位教師文憑（小學），到2003年讀埋菲臘牙科醫院手術助理課程之後，就由兼職模特兒轉做全職模特兒。之後佢主要都係做主持同司儀工作。 蔡宛珊喺2011年同餐廳Dragon-i董事Raymond結婚。